Search

KA JINGNGEIT KA NONG KANAAN MATHAIOS 15:21-22

Miss Ibansaralin Kharshiing

Kane ka bynta (Passage)ka iathuh shaphangkawei ka nong Kanaan kaba wad ia ka jingiarap

ka jong U Jisu. Kane ka briew ka don hapdeng ka jingsngewsih sat bad ka jinglanot namar ba kadon ia ka khun kaba pang shongksuid. Ka Baibl ka iathuh ba kane ka kynthei ka la wan na ki phang jong ka Tyros bad ka Sidon kaba thew ba ka dei ka Jentil, hynrei kaba phylla pat ka long ba ka don ka jingngeit bad pdiang ba U Jisu U dei U Messaiah, uta U khun jong U Blei, uba ki Jiw ha kata ka por jong U Jisu ki shem jingehban ngeit bad pdiang ba U Jisu U dei U Messaiahba U Blei U la phah na ka bynta ka jong ki. Katba kane ka kynthei pat kaba dei ka Jentil ka don ka jingngeit kaba khraw bad ka jingkyrmen kaba skhem ba dei U Jisu U Khun jong U Blei Uba lah ban leh eiei na ka bynta ka khun ka jong ka. Ba kan ioh ia ka jubab ka jong ka, ka la iaid ia ki jingtynjuh ha kaba U Jisu U la khmihthuh haduh katno ka jingngeit kane ka kynthei ka don, hynrei wat hapdeng kine kijingiakynduh ki jong ka, ka la kut jingmut ba ka kan iaineh skhem ha ka jingngeit ka jong ka ha U Jisu, kat haduh ba U Jisu u la iohi shisha ia kata ka jingkhraw ka jingngeit ka jong ka ha U, bad U la jubab ia ki jingkyrpad ki jong ka.


To ngin ia peit ia kane ka bynta (Passage)ha ki lai tylli ki mat: 1. Haba U Blei u sngap jar - Ia kane ka jingsngap jar U Jisu ngin iohi ha ka dkhot 23 kaba ong kumne,“Hynrei um shym jubab ha ka shikyntien ruh” kane ka nong Kanaan ka leit ban kyrpad ha U Jisu na ka bynta ka jingpynkhiah ia ka khun ka jong ka bad ka da ong “To isynei ia nga, ko Trai, U khun u Dabid! Ka khun jong nga ka kordit eh ba ka shongksuid” pynban U Jisu u la sngap jar ia kata ka jingkyrpad ka jong ka haba um shym la jubab shikyntienruh ha ka. Ha ka jingim bad jingiaid lynti ki jong ngi, teng teng ngi ruh ngi mad ia kane ka juh ka jingiashem jong kane ka kynthei, ha kaba ngim ioh jubab na U Blei, ngi iaid lyngba ki jingtynjuh kiba kordit sat, ki khim khait kiba ym don mano mano ruh kiba tip, lait tang ma ngi hi bad U Blei, bad ha kum kita ki por ngi dem ban duwai, ban wad ia ka khmat ka jong U Blei, bad ngi kwah eh ban iohsngew ia ka jubab na u ba un pyllait ia ngi na kine baroh, hynrei ngi iohi pynban kumba wan kawei ka jingeh hadien kawei pat, ki jingeh kim kut, ngi iohi kumba U Blei u jngai eh na ka ban iarap ia ngi. Ha kaba ia dei bad kane ka bynta, ka don kawei ka bynta kaba ngi dei ban kynmaw bad kata ka long, haba U Blei u sngap jar kam mut ba U Blei um iohi ia ki jynjar ki jong ngi, lane ba um iohsngew ia ki jingduwai ki jong ngi. Kawei ka nuksa kaba pyni ba U Blei u khlem sngap jar hynrei ba u trei jar jar, ngin shem ha ka bynta kaba hapdeng ka Testament kaba rim (Kitab u Malakhi) bad ka Testament kaba thymmai (Gospel u Mathaios). Bad kane ka por kaba hapdeng jong kine ki Testament(Inter – Testamental Period) ka don haduh 400 tylli ki snem ha kiba U Blei u sngap jar tangba U trei jar jar. Ha kine ki 400 tylli ki snem ym shym don ki prophet lane ki nongiathuhlypa ba U Blei u sei ba kin ai ia ka khubor ka jong u sha ki briew jong u, hynrei hapdeng kine ki 400 tylli ki snem U Blei u la pynkhreh ia ka jingthmuka jong u na ka bynta ka jingpynim jong u ia ka pyrthei.To ngin kynmaw ia kane, ba haba U Blei u sngap jar u don ka jingthmu na ka bynta ka jong ngi, haba U ailad ia ki jingeh bad jingtynjuh ba kin wan, kine ki long ka jingphrang ia ka jingngeit ka jong ngi ba ngin ioh long kiba janai, kumba u Job u phla, “Ynda la tynjuhia nga, ngan mih noh kum ka ksiar”. To ngin iaineh skhem ha ki jingduwai da ka jingngeit bad ka jingkyrmen ba U Blei un sngap ia ngi, kumba u prophet Mikah uong, “Nga te ngan khmih ia U Trai; ngan ap khmih ia U Blei ka jingpynim jong nga; U Blei jong nga un sngap ia nga” (Mikah 7:7)


2. Iaineh skhem ha ki jingduwai - Ka nong Kanaanka la iaineh skhem ha ki jingkyrpad ne ki jingduwai ki jong ka. Hadien ba kam shym la ioh jubab na U Jisu kam shym la ran dien, hynreika la bteng ban iai kyrpad da kaba pyrta jam bad kane ka jingpyrta jong ka, ka la pynlong ia ki synran ki jong U Jisu ban ong ha U, “To pyllaitnoh ia ka, naba ka pyrta jam nadien jong ngi”. Hynrei U Jisu U la jubab ia ki da kaba ong, “Ym shym la phah ia nga, hynreitang ha ki langbrot ba la jah noh na ka iing Israel?”, kane ka jubab ka thew ba U Jisu U wan nyngkong eh na ka bynta ki Jiw bad ym na ka bynta ki Jentil ha kaba kane ka kyntheika dei kawei na ki.


Ngi ruh ngim iapher eiei na kane ka nong Kanaan namar ma ngi ruh ngim dei na ka iing Israel, ngi ruh ngi dei ki jentilne ha kawei pat ka kyntein ki nongpop. Hynreika jingieit U Blei ia ngi ki nongpop ka khraw katta katta eh haduh ba U la aiti noh ia la U khun ba marweijong U, U Jisu ban long ka kuna na ka bynta ka pyrthei, bad ba uei uei ruh uba ngeit ha U, un ioh ka jingim bymjukut. Bad ka kular U Blei ka long shuh shuh ba kat kiba ngeit bad pdiang ia U Jisu ki ioh ia ka bor ban long ki khun ki jong U Blei. Ngi kum ki Khristan haba ngi la ngeit bad pdiang ia U Jisu, ngi kylla long keiń ki khun kiba la siewspah ki jong U Blei bad haba ngi dei ki khun ki jong U Blei, U Jisu u kwah ba ngin don ka jingngeit kaba skhem, ba haba ngi duwai U Blei u iohsngew bad ba U Blei un sa jubab ia ki jingduwai ki jong ngi. U Jisu U hikai shaphang ka jingduwai da kaba ring nuksa shaphang arngut shi paralok(Loukas 11:5-13). Wat haba la shiteng synniauta u paralok uba iohsngewia ka jingiaikyrpad jong u paralok u jong u, u da khie pynshitom ialade na la ka jingthiah ban ai ia ka jingdonkam jong uta u paralok uba kyrpad ia ka jingiarapka jong u, U Jisu hi u ong, “To pan, te yn sa ai ha phi, to wad, phin sa shem ruh; to tied, te un sa plie ia phi. Naba baroh ubapan, u pdiang bad jar uba wad, u shem; bad ia uta uba tied, yn sa plie”. Ka jingangnud U Jisu ia ngi ka long, ba ngin iaineh ha U bad ba ki ktien ne ki kular ki jong U ki iainehha ngi, bad lada ngi long kiba iaineh ha U, ia kaei kaba ngi pan un ai ne un jubab ia ngi.


3. Ka jingngeit bad ka jingkut jingmut kaba skhem - Hadien ba kane ka nong Kanaan ka la iohsngew ia ka jubab kaba U Jisu U ai ha la ki jong ki synran, kane ka jubab kam shym la pynnoh mynsiem ia ka, hynrei ka la iai pan bad iai tied ia ka jingkhang da kaba ka wan ha khmat U Jisu sa shisien pat ban kyrpad ia U, “Ko Trai, to iarap ia nga”. Hangne ngi iohi ba ka nong Kanaan ka don ka jingngeitbad ka jingkut jingmut baskhemba kan iaineh ha ki jingkyrpad jong ka. Ka jubab ba U Jisu U ai hadien ka jingkyrpad ka jong ka, ka long thik kumba ka iakynduh sa ia uwei pat u mawsiang, U ong, “Ym bit ban shim ia ka jingbam jong ki khun bad ban bret ia ka ha ki ksew” kaba thew ia ki Israel kum ki khun badki Jentil kum ki ksew, shisien pyrkhat kane ka jubab ka long kaba eh than, hynrei haba U Jisu U ai jubab da kane ka jingringdur kam long ba U peit poh ne ibein ia kane ka nong Kanaan, hynrei ka dei ka jingtynjuh jong U ia ka jingngeit jong ka, haduh katno ka don ka jingngeit kaba skhem ha ka jingisynei ka jong U. Kane ka nong Kanaanka la pyndem bad pynritialade da kaba ong, “Ko Trai, hynrei wat ki ksew ki iabam na kita kibalwet kiba la hap na ka miej ki kynrad jong ki”. Kane ka jubab ba ka ai ia U Jisu ka pynpaw ia ka jingngeit kaba khraw ka jong ka ha U, ba tang da i ei i ei i barit, iba la kyntait,iba kiwei kim niewkor shuh, hynrei ha ka i lah biang eh ban iashem ne pyndap ia ka jingdonkam ka jong ka. Ka pyndonburom ia U Blei da ka jingngeit ka jong ka, bad dei hangne ba U Jisu U iohi shisha ia ka jingngeit kaba skhem ba ka don ha U, wat hapdeng ki jingtynjuh ka la iaineh skhem haduh kaba kut bad U la ong ha ka, “Ko kynthei kaba khraw ka jingngeit ka jong pha” Bad U la jubab ia ki jingkyrpad jong ka da kaba pynkhiah janai ia ka khun ka jong ka.


Ka jingkylli ia ngi mynta ka long, ka jingngeit kaba kumno ngi don hapdeng ki jingeh bad jingialeh kiba ngi ngi iakynduh ha ka jingim ka jong ngi – hato ngi long mo kum kane ka nong Kanaan kaba khraw ka jingngeit, bad kaba iainehskhem haduh kaba kut? Ne ngi long kiba artatienbad kiba rit ka jingngeit. To ngin kynmawba da ka bor ka jong ngi, ngin nym lah ban ieng skhemhaduh kaba kut, hynrei dei tang da ka bor ka jong U Blei bad ka jingaiei ka jong U ka ban bat skhemia ka jingngeitka jong ngi haduh kaba kut - AMEN




I Kong Ibansara Kharshiing i dei i dkhot ka Balang Presbyterian Jaiaw. I dei ruh iwei na kiCounsellor kiba ia kit ia bah ia ka kam ka Balang lyngba ka Mission & Evangelism Committee.Bad shuh shuh i dei ruh iwei na ki nonghikai Sunday School ha Infant Department bad idei ruhinongthoh ba ju noh synniang ha ki jingpuson lyngkot ia ka Ktien U Blei (Devotion) ha ka E –Newsletter ka Jingiaseng SamlaBalangPresbyterianJaiaw

15 views0 comments

Recent Posts

See All

Ki sngi ki por ki la nang ïaid hadien ba kiei-kiei ki i kumba ki la ïaid beit kumba long ha ki snem shuwa ka pandemic, bad ki jingkylla babun rukom ruh ki la nang paw naduh ka jingim briew bad kiei-ki