top of page
Search

EDITORIAL

Ka Aïom Khristmas barabor ka pyndap ïa ka dohnud jong kiba bun da ka jingkmen bad da ki jingrwai ban pynbna shaphang U Nongpynim, Uba long ka jingai bakordor tam bad bamaïan tam jong U Blei ïa ka pyrthei. U Jakob ha ka shithi jong u u thoh: “Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla” (1:17). Kane ka jingai bajanai ka long kaba la mih na ka thwei bajylliew tam ka dohnud jong U Blei, kaba long ka jingai jong ka jingieid, ban pynïasoh pat ïa u briew shalade hi da U Blei. Kum kiba la mad ïa kane ka jingsiewspah kaba phylla da ka jingaiei U Kpa ba ha bneng, to ngin ïai shadkmen bad pynbna sha ka pyrthei ïa kane ka jingai sngewbha jong U ïa la U Khun sha u khun bynriew shityllup ka pyrthei, “ba U la wan ba ngin ïoh im, Hallelujah”.

Ka Jingïaseng Samla Balang Presbyterian Jaïaw ka ai khublei Khristmas bad Snem thymmai ïa phi baroh ha ka kyrteng U Trai bad Nongpynim jong ngi U Jisu Khrist, To U Blei Un pyndap da ka jingsuk jong U ha kane ka Khristmas bad Un ïalam ïa phi lyngba u snem uba thymmai. Amen.

6 views0 comments

Recent Posts

See All
bottom of page